مولوي یعقوب

د ملي دفاع وزارت سرپرست مولوي محمدیعقوب مجاهد وايي، ځانګړي ځواکونه د ولس د سر او مال ساتنې په موخه هر ډول قربانۍ ته چمتو دي او هیچاته به اجازه ورنکړي چې له خلکو د هغوی خوښۍ واخلي.

د ملي دفاع وزارت وايي، د دغه وزارت سرپرست مولوي محمدیعقوب مجاهد د پخواني حکومت له ځینو جنرالانو سره په لیدنه کې هغوی ته د امنیت ډاډ ورکړی او ویلي یې دي: «اوس د دې وخت دی چې تېرو زخمونو ته پټۍ ورکړو او تعصب ختم کړو.»