چرګ

بدخشان کې ځايي مسوولین وايي چې د دغه ولایت په مرکز او ولسوالیو کې د چرګانو ۳۰۰ فارمونه فعال دي او د ورځې په منځني ډول ۵۶ زره او ۲۵۰ کیلوګرامه غوښه تولیدوي او بازار ته یې وړاندې کوي.

د افغانستان په کچه د چرګانو د تولید لس زره فارمونه فعال دي چې په ورځني ډول ۱۷۰۰ ټنه غوښه تولیدوي، حال دا چې د هېواد اړتیا د ورځې ۱۶۰۰ ټنه ده.

وروسته له هغه چې د ننګرهار په مرکز جلال‌اباد ښار کې د چرګانو او چرګ غوښې د پلور لپاره ښاروالۍ له مسلخه د ګټې اخیستو پرېکړه وکړه، د چرګ غوښې پلورونکو دا پرېکړه د ځان پر زیان او د نه منلو وړ وبلله.

په بغلان کې د چرګ غوښې پلورونکي وايي، له تېرو دوو اونيو راهيسې په دغه ولايت کې د چرګ يوې کيلو غوښې بيه له ١٨٠ څخه ٢٨٠ افغانيو ته لوړه شوې ده.

. . .