ښوونځیو

د پوهنې وزارت سرپرست اروزګان ته په سفر کې ویلي، دغه ولایت د پوهنې برخه کې له پامه غورځول شوی او په خبره یې، د یو شمېر همکارو ادارو په مرسته به یې ښوونځيو ته ودانۍ جوړې کړي.

د افغانستان د پوهنې وزارت وايي، د هېواد په سړو سیمو کې د لومړنیو ښوونځیو کلنۍ ازموینې د روانې لړم میاشتې په ۲۶مه او د منځنیو او لېسو ازموینې د راروانې لېندۍ میاشتې په لومړۍ نېټه پیلېږي.

د جوزجان د پوهنې ریاست په دغه ولایت کې د ۱۹ ښوونځیو د ودانیو بیارغونې چارو له پیلېدو خبر ورکوي او وايي، تر راتلونو درېیو میاشتو به په دغه ولایت کې څه باندې ۱۲زره زده‌کوونکو ته د زده‌کړو مناسب چاپېریال برابر شي.

په لوګر ولایت کې د ۲۲ میلیون افغانیو په لګښت د څلورو ښوونځیو د احاطې دیوالونو او ځینو نورو مهمو برخو جوړولو چارې بشپړې شوې.

د دایکنډي د پوهنې ریاست وايي، د دغه ولایت په مرکز نیلي او اشترلي ولسوالۍ د دوو ښوونځیو د ودانیو جوړولو چارې بشپړې او ګټې اخیستنې ته وسپارل شوې.

د غزني ولایت په دوو ولسوالیو کې د لس میلیون افغانیو په لګښت دوو ښوونځیو ته ودانۍ جوړې شوې.

د افغانستان د پوهنې وزارت وايي چې د کابل ښار په شپږو ښوونځيو کې د نږدې ۹،۵ میلیون افغانيو په لګښت د روغتیا ساتنې په موخه پروژې پلې کېږي.

د غزني ولایت په مقر ولسوالۍ کې د اته میلیون افغانیو په لګښت دوو ښوونځیو ته ودانۍ جوړې او ګټې اخیستنې ته وسپارل شوې.

د دایکنډي د پوهنې ریاست مسوولین وايي، د دغه ولایت په مرکز او ولسوالیو کې د نږدې نهه میلیون افغانیو په لګښت د ۲۰ ښوونځیو د ودانیو بیارغولو چارې پيل شوې‎.

په کونړ او هلمند ولایتونو کې د شاوخوا ۲۷ میلیون افغانیو په لګښت دوو ښوونځیو ته د ودانیو جوړولو چارې پيل شوې.

په بادغیس ولایت کې یو شمېر زده‌کوونکي په ښوونځیو کې د څښاک پاکو اوبو له نشتوالي شکایت کوي، خو مسوولین وايي چې د دې ستونزې د حل په هڅه کې دي.

د هلمند د پوهنې ریاست مسوولین وايي، د دغه ولایت په نوزاد ولسوالۍ کې د څه باندې ۴۲ میلیونه افغانیو په لګښت څلورو ښوونځیو ته د ودانیو جوړېدو چارې پیل شوې.