د کابل په کارته سخي زيارت بريد وشو

کابل (پژواک ٢٠ تله ٩٥): څو شېبې وړاندې د کابل ښار کارته سخي زيارت د وسله والو له خوا تر بريد لاندې راغلى او په کې چاودنه شوې ده.

د کورنيو چارو وزارت د ١١٩ پوليسو مشر مل پاسوال ‎همايون عيني، پژواک خبري اژانس ته وويل چې نن له ماښام وروسته د کارته سخي په زيارت کې چاودنه شوې ده.

ده زياته کړه، سيمې ته امنيتي ځواکونه رسېدلي رسېدلي، خو د مرګ ژوبلې په اړه يې تراوسه پورې معلومات نشته.

يو بلې امنيتي سرچينې بيا پژواک ته وويل چې نن له ماښام وروسته په شاوخوا ٧ بجو دوه بريدګر ياد شوي زيارت ته ننوتي او ډزې کوي.

د هغه په وينا، امنيتي ځواکونو ياده سيمه کلابنده کړې ده.

د يادونې وړ ده، چې د بريد پرمهال په دې زيارت کې د عاشورا مراسم روان و.

د دې پېښې جزئيات به وروسته په ليکه شي.