لښکرګاه (پژواک،٢٦ غرګولی ۹۵): د هلمند امنيه قوماندان وايي چې په خاشين ولسوالۍ کې لس طالبان وژل شوي او څلور نور ټپيان دي.
د هلمند امنيه قوماندان مل پاسوال اقانور کينتوز د غبرګولي په ٢٦مه خبريالانو ته وويل چې تېره شپه امنيتي ځواکونو په خانشين ولسوالۍ کې عمليات کړي دي.
هغه وايي چې د دې عملياتو په لړ کې لس طالبان وژل شوي، څلور ټپيان دي او يو شمېر سيمي هم امنيتي ځواکونو نيولې دي.
ده وويل چې د عملياتو پر مهال لس ماينونه هم امنيتي ځواکونو کشف او شنډ کړي دي.
د کينتوز په وينا، په دې جکړه کې امنيتي ځواکونو او عامو خلکو ته مرګ ژوبله نه ده اوښتې.
وسله والو طالبانو د خانشين په اړه څه نه دي ويلي خو دې ډلې په خپله انټرنېټ پاڼه کې د هلمند په بېلابېلو سيمو کې امنيتي ځواکونو ته د مرګ ژوبلې اوښتو ادعا کړې ده.
هلمند د افغانستان تر ټولو نا امن ولايت دى چې دا مهال يې باغران، دېشو، موسى کلا او نوزاد ولسوالۍ او د مرکز لښکرګاه يو شمېر له وسله والو طالبانو سره دي.
login or register a new account.
