کندهار (پژواک، ۲۹ غوایی ۱۴۰۵): یوه امنیتي سرچینه وایي، د کندهار ولایت د ډنډ ولسوالۍ په کلمتر سیمه کې نامعلومو وسلهوالو کسانو تېره شپه یو قومي مخور په ډزو وژلی دی.
په کندهار ولایت کې یوې امنیتي سرچینې نن پژواک ته وویل، وژل شوی کس حاجي احمد شاه خان ادوزی نومېده، چې د سیمې له پېژندل شوو قومي مشرانو څخه و.
د سرچینې په وینا، برید تېره شپه ترسره شوی او بریدګر له سیمې تښتېدلي دی.
تر اوسه د پېښې د انګېزې په اړه څه نه دي ویل شوي، خو د سرچینې د معلوماتو له مخې امنیتي کسانو د پېښې د عاملینو د نیولو لپاره پلټنې او څېړنې پیل کړې دي.
