مزار شريف ( پژواک، ۷چنګاښ۹۷)د سمنګان دره صوف پايين لپاره د طالبانو نومول شوی ولسوال بلخ کې نيول شوی دی.
په بلخ کې ځايي امنيتي چارواکي وايي چې تېره ورځ يې د دغه ولايت په کشنده ولسوالۍ کې د سمنګان د دره صوف پايين ولسوالۍ لپاره د طالبانو نومول شوی ولسوال نيولی دی.
د بلخ امنيه قوماندان اکرم سامع پژواک خبري اژانس ته وويل چې ملا بصير تېره ورځ په کشنده ولسوالۍ کې د ځانګړو عملياتو پر مهال ونيول شو.
هغه زياته کړه چې له ملا بصير سره د هغه يو ساتونکی او دوه ميله وسله هم د پوليسو لاس ته ورغلې ده.
د بلخ امنيه قوماندان زياتوي چې ملا بصير په بلخ او سمنګان ولايتونو کې د امنيتي ځواکونو پر ضد په ډېری ترهګريزو پېښو کې لاس درلود.
وسله والو طالبانو تر اوسه پورې په دې تړاو څه نه دي ويلي.
login or register a new account.
