کابل (پژواک، ٢٨ کب ٩٧): ولسمشر اشرف غني د امنيتي سکتور له مشرانو سره د هېواد پر وروستيو امنيتي حالاتو او راتلونکو عملياتو ځانګړې غونډه وکړه.
د ولسمشر وياند هارون چخانسوري د کب په ٢٨مه پژواک خبري اژانس ته وويل چې په دې غونډه کې د ملي امنيت سلاکار ډاکتر حمدالله محب، د کورنيو چارو وزير مسعود اندرابي، د ملي دفاع وزير اسدالله خالد، د ملي امنيت رييس معصوم ستانکزي او د ولسمشر ستر سلاکار ډاکتر فضل محمود فضلي برخه اخيستې وه.
هغه زياته کړه چې په دې غونډه کې د امنیتي او دفاعي سکتور رهبرۍ د عمومي امنیتي وضعیت او د راتلونکو ورځو او میاشتو د پلان شوو عملیاتو په اړه ولسمشر غني ته راپور ورکړ.
چخانسوري وايي، ولسمشر او د وسله وال پوځ اعلی سرقوماندان د هېواد د امنیتي او دفاعي سکتور له رهبرۍ د مننې تر څنګ هغوی ته د امنیتي وضعیت د ښه والي او راتلونکو عملیاتو په اړه لازمې لارښوونې وکړې.
login or register a new account.
