کابل (پژواک، ۱۴ غبرګولی ۹۹) : په قبایلي سیمې شمالي وزیرستان کې د یوې خونې د چت لوېدو له امله د دیني مدرسې ۱۳ ماشومانو ته مرګ ژوبله اوښتې ده.
د سیمې یواوسېدونکی وایي چې دا پېښه پرون د شمالي وزیرستان د شیوا سیمې په زبرکوټ سیمه کې رامنځته شوې ده.
سرچینو ځایي رسنیو ته ویلي چې د یوې دیني مدرسې د یوې خونې چت د توپان له امله لوېدلی چې له امله یې شپږ ماشومان مړه او اووه نور ژوبل شوي دي.
د سیمې اوسېدونکو ویلي چې په یوه خام کې جومات او مدرسې کې ماشومان دیني زده کړې کوي.
مړي او ټپیان د سیمې د اوسېدونکو او مسوولینو په همکارۍ روغتونونو ته لېږدل شوي دي.
بلخوا ځایي مسوولینو د پېښې د قربانیانو له کورنیو سره د مرستو لړۍ پیل کړې ده.
login or register a new account.
