کابل (پژواک، ٢١ ليندۍ ٩٩): د افغانستان د وضعیت په اړه د ملګرو ملتونو د عمومي اسامبلې پرېکړه لیک د ۱۳۱ رایو په اکثریت تصویب شو.
د ملګرو ملتونو په امنيت شورا کې د افغانستان دايمي استازې عادلې راز په ټويټرپاڼه کې ليکلي چې د جرمني په ګډون له ۷۰ څخه زیات هېوادونو دغه پرېکړه لیک تاييد کړى دى.
نوموړې له ټولو هغو هېوادونو څخه چې په خپلو ویناوو کې يې د افغانستان د راتلونکې په اړه خپل ملاتړ ښودلى مننه کړې ده.
په دغه پرېکړه ليک کې په افغانستان کې له ټولو لوريو غوښتل شوي چې دغه هېواد کې دې ژر د تاوتريخوالي د پاى ته رسېدو لپاره هڅې وکړي.
د افغانستان د ملي روغې جوړې د عالي شورا مشر ډاکټر عبدالله هم د ملګرو ملتونو سازمان ددې پرېکړې هرکلى کړى دى.
هغه په خپله ټويټرپاڼه کې لکلي : (( زه د افغانستان د وضعيت په اړه د ملګرو ملتونو د سازمان د پرېکړه ليک له تصويب او مالي ملاتړ کوونکو هېوادونو څخه مننه کوم.))
Views: 17
GET IN TOUCH
NEWSLETTER
SUGGEST A STORY
PAJHWOK MOBILE APP