کابل (پژواک، ۲۸ لېندۍ ٩٩): د فرانسې ولسمشرۍ ماڼۍ وایي، د دغه هېواد ولسمشر اېمانوېل مکرون په کرونا ناروغۍ اخته شوی دی.
د فرانسې له ولسمشرۍ ماڼۍ څخه په خپره شوې خبرپاڼه کې راغلي چې مکرون د کرونا تر نښو وروسته معاینات کړي او پایله یې مثبته ختلې ده.
سرچینې زیاته کړې، ۴۲ کلن مکرون به د اوو ورځو لپاره قرنطین شي، خو ویل کېږي د هېواد چارې به پر مخ بیايي.
د یادونې ده چې روانه اوونۍ فرانسه کې د کرونا د ډېرېدونکو پېښو له کبله د شپې پر ګرځېدو محدودیت ولګېد.
د جان هاپکنز پوهنتون د شمېرو له مخې، به فرانسه کې تر دې دمه د کرونا وېروس له ۲ میلیون ډېرې مثبتې پېښې ثبت شوې او څه باندې ۵۹ زره ۴۰۰ کسان ترې مړه شوي دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن