کندهار (پژواک، ۱۹ چنګاښ ۱۴۰۰): د کندهار د دامان پر ولسوال چاودنه شوې، هغه روغ وتلی خو پنځو کسانو ته په کې مرګ ژوبله اوښتې ده.
دغه پېښه نن سهار شاوخوا نهه بجې د دامان ولسوالۍ اړوند د غره په کلي کې شوې ده.
د دې ولسوالۍ یوې امنیتي سرچینې پژواک خبري اژانس ته وویل، د دامان ولسوالۍ ولسوال حاجي پیرمحمد دندې ته پر لاره و چې د غره په کلي کې پر موټر چاودنه وشوه.
سرچینې زیاته کړه، ولسوال له چاودنې روغ وتلی خو ۲ ملکي وګړي وژل شوي او ۳ نور کسان (دوه پولیس او یوه مېرمن) ټپيان شوي دي.
سرچینه زیاتوي چې په چاودنه کې د ولسوال موټر هم زیانمن شوی او دغه راز د ملکي وګړو یوه موټر اور اخیستی دی.
تر اوسه چا د دې پېښې مسوولیت نه دی اخیستی.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن