کابل(پژواک،۲۹ زمری ۱۴۰۰): د طالبان یو چارواکی وایي چې د ټاکنو د ترسره کېدو لپاره وخت نه شته او باید همداوس ټولشموله حکومت جوړ شي.
د طالبانو یوه لوړپوړي چارواکي سهیل شاهین د چین له CGTN تلوېزیون سره په مرکه کې د واک تشې ته په اشاره ویلي: (( د ټاکنو لپاره هیڅ وخت نه شته ، اساسي قانون نه شته، نوی اساسي قانون به برابر او تصویب شي او ددغو چارو د ترسره کېدو لپاره ډېر وخته اړتیا ده .))
ویلي (( د واک د تشې د دلیل په اساس همدااوس باید جوړ شي.))
هغه وایي چې د افغانستان د راتلوونکي حکومت لپاره به وړ شخصیتونه غوره شي، کله چې دغه شخصیتونه وټاکل شول د ټولو لپاره اعلان شي.
شاهین د شخصیتونو د ټاکلو لپاره معیار په ګوته نه کړ.
هغه په ټولشموله حکومت ټینګار وکړ مشخص یې نه کړه چې په دې اړه خبرې له چا سره روانې دي.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن