کابل (پژواک ۵ لړم ۱۴۰۰): په پکتيا کې يو ځوان د ناپېژاندو کسانو له خوا اختطاف او بیا د وهلو ټکولو له امله يې خپل ژوند له لاسه ورکړی دی.
د دې ولايت د اطلاعاتو او فرهنګ رئیس خالقيار احمدزی وايي، د سيف الله په نوم دغه ۱۸ کلن ځوان درې ورځې مخکې چې کله ګردېز ښار ته خپلې مدرسې ته روان و، د ناپېژاندو کسانو له لوري تښتول شوی دی.
ده زياته کړه، تښتوونکو د دې ځوان تر وژلو وروسته، د هغه د بدن ځينې غړي هم پرې کړي دي.
د هغه په خبره، د دې ځوان کورنۍ له هيچا سره دښمني نه لري، خو د دوی نظامي کمیسیون د دې پېښې د عاملانو د نيولو هڅه پیل کړې ده.
په روانه اونۍ کې دا دوهمه مرموزه وژنه ده چې په پکتيا کې پېښېږي. د يکشنبې په ورځ د ګردېز ښار د لومړۍ امنيتي حوزې مخکينی آمر هم په مرموز ډول وژل شوی و.
Views: 979
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن