کابل(پژواک، ۹ کب ۱۴۰۰): د ایران د بهرنیو چارو وزیر امیر عبداللهیان وايي که افغانستان کې ټولګډونه حکومت جوړشي نو هېواد به یې په رسمیت وپېژني.
هغه دغه څرګندونې تېره ورځ له ایران پریس تلوېزیون سره په مرکه کې کړې دي.
د ایران د بهرنیو چارو وزیر ویلي چې په وروستیو کې یې له یوه افغان پلاوي سره په تهران کې پر دوه اړخیزو اړیکو خبرې کړې دي.
دی وايي، په دې لیدنه کې یې افغانانو ته دا واضح کړې چې په افغانستان کې د ټولګډونه حکومت جوړېدل اړین دي، ترڅو په هغه کې ټول افغانان له بېلابېلو ډلو او ګوندونو ځانونه وویني.
د هغه په وینا، په افغانستان کې که همداسې یو حکومت رامنځته شي نو دوی افغان لوري سره ژمنه کړې چې په رسمیت به یې پېژني.
افغان چارواکو مخکې ویلي چې اوسنی سرپرست حکومت ټولګډونه دی، خو د لا ټولګډنوالي لپاره یې هڅې کوي.
د یادونې ده چې امیر عبداللهیان په افغانستان کې د امریکا شل کلن ماموریت هم ناکام بللی دی.
هغه زیاته کړې چې امریکا له افغانستانه د تېښتې پر مهال له ایران هم د مرستې غوښتنه وکړه، خو دوی یې غوښتنه نه ده منلې.
Views: 170
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن