فراه (پژواک، ۳۱ غبرګولی ۱۴۰۱): د فراه ولایت د ترانسپورټ رياست وايي، له شاوخوا څلور میاشتني ځنډ وروسته پرون د ابونصر فراهي بندر له لارې له ايران سره د سوداګریزو مالونو لېږد رالېږد پيل شو.
د یاد ولایت د ځمکني ترانسپورټ رييس مولوي حکمتالله سبحانيآغا پژواک خبري اژانس ته وویل چې شاوخوا څلور مياشتې وړاندې په ابونصر فراهي بندر کې، د افغانستان- ایران ګډ بازارګوټی د حمل و نقل یا ټرانشيپ پرمخ تړل شوی و، پرون بېرته پرانيستل شو.
ده زياته کړه چې پخوا به يوازې د ترانزيټ موټرو تګ راتګ کاوه، خو له دې وروسته به د ټرانشيپ لاره هم پرانیستې وي.
بايد وویل شي چې ټرانشیپ له يوې نقليه وسيلې څخه بلې ته د مالونو لېږد ته ویل کېږي.
د شیخ ابونصر فراهي بندر د افغانستان- ایران ترمنځ د سوداګریزو مالونو د لېږد رالېږد لوی بندر دی.
Views: 116
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن