ښرنه (پژواک، ۱۹ تله ۱۴۰۱): د پکتيکا امنيه قومانداني وايي، د دغه ولايت په خيرکوټ ولسوالۍ کې یې هغه کس نيولی چې شاوخوا لس ورځې وړاندې یې د خپل تره ښځه په ډزو وژلې وه.
نن مازيګر د یاد ولايت امنيې قوماندانۍ له لوري رسنيو ته په استول شوې خبرپاڼه کې ويل شوي چې د خيرکوټ ولسوالۍ امنيتي ځواکونو د هغې ښځې د قتل په تور يو کس نيولی چې شاوخوا لس ورځې مخکې یې جسد د دغې ولسوالۍ په يوې غرنۍ سيمه کې موندل شوی و.
خبرپاڼه زیاتوي، د قتل په تور نيول شوی کس د وژل شوې ۴۲ کلنې ښځې د لېوره زوی دی او منلې یې ده چې موده مخکې یې د خپل تره ښځه د خیرکوټ ولسوالۍ په یوې غرنۍ سیمه کې وژلې ده.
خو چارواکو په دې اړه معلومات نه دي ورکړي چې دغه کس ولې د خپل تره ښځه وژلې وه؟
په خبرپاڼه کې راغلي چې نيول شوی کس به د نورو څېړنو لپاره عدلي او قضایي ارګانونو ته وسپارل شي.
Views: 216
GET IN TOUCH
NEWSLETTER
SUGGEST A STORY
PAJHWOK MOBILE APP