کابل (پژواک، ۲۶ تله ۱۴۰۱): په چین کې د افغانستان سفارت سرپرست د دغه هېواد د بهرنیو چارو وزارت د اسیایي څانګې له مرستیال سره د دواړو هېوادونو ترمنځ پر رسمي تعامل، لوړه کچه راشه درشه او نورو اقتصادي مسایلو خبرې کړې دي.
په چین کې د افغانستان سفارت پر خپله ټوېټرپاڼه لیکلي، په دغه هېواد کې د افغانستان سفارت سرپرست سید محیالدین سادات د چین د بهرنیو چارو وزارت د اسیايي څانګې له مرستیال چينګ سونګ سره وکتل.
سرچینې لیکلي، په دې لیدنه کې د دواړو هېوادونو ترمنځ د رسمي تعامل او لوړه کچه راشه درشه، د آمو سیند حوزې د نفتو پروژې، د دواړو هېوادونو ترمنځ د اتصال نورو پروژو، چین ته د افغاني زعفرانو، وچو مېوو او نورو توکو واردولو او د چین په ګمرک کې اسانتیاوو برابرولو، بشري او انکشافي مرستو، د کرنې په برخه کې همکارۍ، افغان محصلینو ته د سکالرشیپونو ورکولو، په بېلابېلو برخو کې افغانانو ته د لنډمهاله روزنيزو ورکشاپونو برابرولو او نورو دوه اړخیزو موضوعاتو په اړه ګټورې خبرې وشوې.
Views: 142
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن