کندهار کې د ترافیکي پېښې له امله پنځو کسانو ته مرګ‌ژوبله اوښتې ده

کندهار (پژواک، ۱۱ لړم ۱۴۰۱): د کندهار د میوند ولسوالۍ اړوند د کابل - هرات پر لویه لار د یوه فیلډر او ټېلر موټرو د ټکر له امله پنځو کسانو ته مرګ‌ژوبله اوښتې ده.

د کندهار ولایت مقام مطبوعاتي مسوول حاجي زید پژواک خبري اژانس ته وویل، دغه پېښه نن سهار شاوخوا نهه بجې د میوند ولسوالۍ بازار ته څېرمه شوې ده چې په فیلډر موټر کې سپاره درې کسان (دوه نارینه او یوه ښځه) مړه شوي او دوه نور کسان ژوبل شوي دي.

ده زیاته کړه، ټپيان د امنیتي کسانو له خوا د درملنې په موخه روغتون ته لېږدول شوي دي.

د ده په خبره، لومړني معلومات ښيي چې پېښه د بې احتیاطۍ له امله شوې ده.

login or register a new account.