اټلانټا (پژواک، ۲۰ لړم ۱۴۰۱): پاکستان، چین او روسیې د افغانستان په اړه د ملګرو ملتونو د عمومي اسمبلۍ ځانګړې غونډې پرېکړهلیک ته رایه ورنه کړه.
د افغانستان په اړه دا ځانګړې غونډه پرون په نیویارک کې د ملګرو ملتونو د ۷۶یمې کلنۍ غونډې په څنډه کې جوړه شوې وه.
په نیویارک کې د ملګرو ملتونو له مطبوعاتي دفتره د لړم په ۲۰مه په یوه خپره شوې خبرپاڼه کې راغلي چې د دې ناستې په پای کې یوه پرېکړهلیک خپور شو چې په کې د افغانستان له سرپرست حکومته غوښتل شوي وو چې د نجونو او ښځو بشري حقونو او ازادیو محدودکوونکې تګلارې او مقررات لغوه کړي.
سرچینې زیاته کړې، دغه پرېکړهلیک ته د ملګرو ملتونو ۱۱۶ غړو هېوادونو مثبته رایه ورکړه، هیڅ یو هېواد دغه پرېکړهلیک ته مخالفه رایه ورنه کړه.
خو په خبرپاڼه کې راغلي چې د روسیې، چین او پاکستان په ګډون لسو هېوادونو ممتنع رایه ورکړه. دغه پرېکړهلیک قانوناً الزامي نه دی، خو له اخلاقي پلوه خپل وزن لري.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن