کابل کې ۱۴ کسان د غلا، قمار او لوټ په تور نیول شوي

کابل (پژواک، ۱۰ لېندۍ ۱۴۰۱): د کابل امنیه قومانداني وايي، د کابل ښار د اتمې امنیتي حوزې په ساحه کې يې ۱۴ کسان د غلا، قمار او لوټ په تور نیولي دي.

د یادې قوماندانۍ ویاند خالد ځدراڼ نن رسنیو ته په استولي پیغام کې ویلي چې د کابل ښار د اتمې حوزې پوليسو يوه شپږ کسيزه، پنځه کسيزه او درې کسيزه ډله د غلا، قمار او لوټ په تور ونیوله.

دی وايي، نیول شوو کسانو پر خپلو جرمونو اعتراف کړی او دوسيې يې اړوند ارګان ته لېږدول شوې دي.