<p style="text-align: justify;">لومړی تعقیب - کابل (پژواک، ۲۵ مرغومی ۱۴۰۱): د راپورونو پر اساس، د نیپال په لویدیځ پوکارا سیمه کې د یوې مسافروړونکې الوتکې لوېدو له امله ۷۱ کسان مړه شوي دي.</p>
<p style="text-align: justify;">دغه <a href="https://www.reuters.com/world/asia-pacific/plane-carrying-72-people-crashes-nepal-some-bodies-recovered-official-state-tv-2023-01-15/"><strong>راپور</strong></a> نن (یکشنبه) رویټرز خبري اژانس خپور کړی دی.</p>
<p style="text-align: justify;">په راپور کې راغلي چې په دغه الوتکه کې ۷۲ مسافر سپاره وو او له کتمنډو ښاره د نیپال په لویدیځ کې پوکارا سیمې ته پر لاره وه چې د دغه هېواد په وخت په ۱۰:۵۰ دقیقو لوېدلې ده.</p>
<p style="text-align: justify;">د پېښې له سیمې تر اوسه لږ ترلږه ۷۰ جسدونه موندل شوي دي.</p>
<p style="text-align: justify;">د نیپال امنیتي مسوولینو رویټرز ته ویلي چې ژغورونکو ډلو د نورو مسافرو د پیدا کولو عملیات پيل کړي دي.</p>
ویل کیږي چې په الوتکه کې دامریکایانو په ګډون یو شمېر بهرني وګړي هم سپاره وو.
