[restrict paid="true"]
کابل (پژواک، ۹ وری ۱۴۰۲): د پاسپورټ ریاست وایي، د پاسپورټ اخیستو جعلي احکامو وېشلو په تور یو شمېر کسان نیول شوي دي.
د دغه ریاست له خوا په خپره شوې خبرپاڼه کې راغلي، یو شمېر جعلکاران د پاسپورټ ریاست مقام له احکامو په ناسمې ګټې اخیستنې، جعلي احکام خارجي بانکي حسابونو ته د ډېرو پیسو غوښتنې په ترڅ کې وېشي.
سرچینې زیاته کړې، په دې وروستیو کې یو شمېر جعلکاران له خپلو هېوادوالو د پاسپورټ ریاست جعلي احکامو په اخیستو سره د ګاونډیو هېوادونو بانکي حسابونو په ورکولو سره د پیسو تحویلې غوښتنه کوي او په دې سره جعلي احکام پر هېوادوالو وېشي چې ګڼې نمونې او کسان یې په تړاو نیول شوي هم دي.
د پاسپورټ ریاست له هېوادوالو غوښتي چې د جعلکارانو او فساد کوونکو په خبرو او جعلي احکامو دې نه تېروځي او د قانوني لارو چارو په وهلو سره دې پاسپورټونه ترلاسه کړي.
[/restrict]
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن