کابل (پژواک، ۱۷ غبرګولی ۱۴۰۲): په کابل کې د ترکمنستان سفیر د افغانستان د نشهیي توکو پر وړاندې د مبارزې له معین سره په لیدنه کې ویلي، هېواد یې د روږدو درملنې او نورو مواردو کې مرستې ته چمتو دی.
د کورنیو چارو وزارت نن (د غبرګولي ۱۷مه) په یوه ټويټ کې ویلي چې له نشهیي توکو سره د مبارزې معین عبدالحق اخند همکار په کابل کې د ترکمنستان له سفیر خواجه اویزوف لقمان سره لیدلي دي.
په دغه ټويټ کې لیکل شوي چې د ترکمنستان سفیر او ورسره پلاوي له نشهیي توکو سره د مبارزې معینیت له اقداماتو او لاستهراوړنو ستاینه کړې ده.
نوموړي ویلي، هېواد یې چمتو دی چې له افغانستان سره د روږدو په درملنه او نورو مواردو کې مرسته وکړي.
د یاد ټويټ په پای کې یادونه شوې چې دواړو خواوو پر متقابلو همکاریو هوکړه وکړه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن