د زابل شاه‌جوی ولسوالۍ کې د څه باندې ۵.۴ میلیون افغانیو په لګښت کلینیک جوړ شو

کابل (پژواک، ۵ چنګاښ ۱۴۰۲): د زابل په شاه‌جوی ولسوالۍ کې د سرې میاشتې له خوا یو کلینیک چې ناروغانو ته به وړیا خدمات وړاندې کوي، جوړ شو.

افغاني سرې میاشتې نن (د چنګاښ ۵مه) په یوه ټويټ کې لیکلي، د زابل د شاه‌جوی ولسوالۍ په خاکي سیمه کې د څه باندې ۵.۴ میلیون افغانیو په لګښت یو فرعي کلینیک جوړ شو.

د سرچینې په حواله، د یاد ولایت اوسېدنکو له دې مخکې روغتیایي مرکز ته لاسرسی نه درلود.

د سرچینې په وینا، اوس مهال افغاني سره میاشت د دغه فرعي کلینیک سربېر د دغه ولایت په مرکز کلات ښار، میزانه او خاک افغان ولسوالیو کې ۳ نور فرعي کلینیکونه او درې ګرځنده روغتیايي ډلې لري.

login or register a new account.