کابل (پژواک، ۸ زمری ۱۴۰۱): د راپورونو له مخې، د روسیې پلازمېنې مسکو کې د اوکراین بېپیلوټه الوتکې برید یو تن ټپي کړی او د دغه برید له امله د لنډمهال لپاره د مسکو هوايي ډګر تړل شوی دی.
د الجزیزې خبري شبکې راپور خپور کړی چې اوکرایني ډرون الوتکې تېره شپه د روسیې پر پلازمېنه مسکو برید کړی دی.
سرچینې لیکلي، د مسکو ښاروال دغه برید تایید کړی او ویلي یې دي چې په دغه برید کې دوو اداري ودانیو ته لږ زیان اوښتی دی.
سرچینې زیاته کړې چې په یاد برید کې یو تن ټپي شوی او د لنډ مهال لپاره د مسکو هوايي ډګر تړل شوی دی.
په ورته وخت کې اوکرایني چارواکو ویلي، ځواکونو یې د دغه هېواد په سویل ختیځ کې پرمختګ کړی دی.
د یادونې ده، روسي ځواکونو د ۲۰۲۲ کال د فبرورۍ پر ۲۴مه د ولادیمیر پوتین په امر پر اوکراین پراخ برید وکړ.
Views: 101
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن