کابل (پژواک، ۴ لړم ۱۴۰۲): د ملګرو ملتونو د بشري مرستو همغږۍ اداره (اوچا) وایي، اسټرالیا د هرات له زلزلهځپلو سره د ۶۳۱۲۸۰ امریکايي ډالرو مرستې اعلان وکړ.
د ملګرو ملتونو دې ادارې د یادو څرګندو ترڅنګ پر خپله اېکسپاڼه لیکلي چې یاده مرسته به د هرات زلزلهځپلو د ژوند ژغورنې برخه کې ولګول شي.
د اوچا د معلوماتو له مخې، اسټرالیا له ۲۰۱۴ زیږدیز کال راهیسې د افغانستان بشري صندوق له لارې څه باندې ۴۴ میلیون امریکایي ډالر مرسته کړې ده.
دا په داسې حال کې ده چې تېره میاشت په هرات کې څو پرلهپسې زلزلې وشوې چې خلکو ته یې درنه مرګژوبله واړوله او ۱۲ کلي یې په بشپړ ډول ویجاړ کړل.
د یادونې ده، د ګڼ شمېر هېوادونو، سازمانونو، خیریه بنسټونو، ملي سوداګرو، ملي لوبغاړو او د افغانستان سرپرست حکومت په ګډون د هرات له زلزلهځپلو د خوراکي پر مرستو سربېره په میلیونونو نغدي مرستې هم وشوې.
GET IN TOUCH
NEWSLETTER
SUGGEST A STORY
PAJHWOK MOBILE APP