فراه کې د ترافیکي پېښې له امله څلور کسان مړه او دوه نور ټپیان شوي

[restrict paid="true"]

فراه (پژواک، ۲۹ لړم ۱۴۰۲): د فراه امنیتي مسوولین وایي چې د دغه ولایت په بالابلوک ولسوالۍ کې د یوې ترافیکي پېښې له امله شپږو کسانو ته مرګ‌ژوبله اوښتې ده.

د دغه ولایت امنیې قوماندانۍ له خوا د لړم په ۲۹مه خپره شوې یوه خبرپاڼه کې راغلي چې دا پېښه نن د یادې ولسوالۍ په دارستان سیمه کې شوې ده.

سرچینې زیاته کړې چې په دې سیمه کې د ټېلر او فیلډر موټرو د ټکر له امله څلور کسان مړه او دوه نور ټپیان شوي چې ښځې او ماشومان هم په کې دي.

په خبرپاڼه کې راغلي چې ټپیان د ځایي امنیتي مسوولینو له خوا روغتون ته لېږدول شوي دي.

[/restrict]