بامیان کې د ۱۵ میلیون افغانیو په لګښت یوه ښوونځي ته ودانۍ جوړه شوه

[restrict paid="true"]

بامیان (پژواک، ۱۲ لېندۍ ۱۴۰۲): د بامیان ځایي مسوولین وایي چي د دغه ولایت په مرکز کې د څه باندې ۱۵ میلیون افغانیو په لګښت یوه ښوونځي ته ودانۍ جوړه شوه.

د بامیان د پوهنې ریيس مولوي رحمت‌اللّٰه قنديلي وایي چې دا پروژه د ولایت د مرکز اړوند د «دهن اهنګران» سيمه کې د ۲۲۰ زره امریکايي ډالرو په لګښت بشپړه او نن ګټې اخیستنې ته وسپارل شوه.

سرچینې زیاته کړې چې دغه ښوونځی د ۱۰ درسي او دوو اداري خونو په درلودو د «يو‌اېن‌اېچ‌سي‌ار» په مالي مرسته په دوو پوړونو کې په پاخه او اساسي بڼه جوړ شوی دی.

د باميانو والي د دغه ښوونځي د پرانيستې مراسمو کې وويل چې په دغه ولايت کې ورته نورې پروژې هم پلې کوي.

[/restrict]