کابل (پژواک، ۱۵ لېندۍ ۱۴۰۲): د افغانستان کرکټ بورډ وايي چې د کرکټ له ۱۹ کلونو کمعمره ملي لوبډله د ۲۰۲۳ کال اسیا جام سیالیو کې د ګډون په موخه متحده عربي امارتو ته لاړه.
له ۱۹ کلونو کمعمره لوبغاړو اسیا جام سیالۍ د روانې ډسمبر میاشتې په اتمه نېټه په متحده عربي اماراتو کې پیلېږي.
د افغانستان کرکټ بورډ نن پر خپله فېسبوکپاڼه لیکلي چې د افغانستان د کرکټ له ۱۹ کلونو کمعمره ملي لوبډله په یاد سیالیو کې د ګډون په موخه د متحده عربي امارتو په لور روانه شوه.
دغه راز د دغو سیالیو الف ګروپ کې افغانستان، هندوستان، پاکستان او نیپال شامل دي او په ب ګروپ کې د بنګلهدېش، سریلانکا، متحده عربي امارت او جاپان لوبډلې شاملې دي.
په دغو سیالیو کې به افغانستان خپله لومړۍ لوبه د هندوستان پر وړاندې ترسره کړي.
GET IN TOUCH
NEWSLETTER
SUGGEST A STORY
PAJHWOK MOBILE APP