[restrict paid=”true”]
کندوز، ترینکوټ (پژواک، ۲۳ مرغومی ۱۴۰۲) : ځایي مسوولین وایي چې په اروزګان او کندوز ولایتونو کې د ترافیکي پېښو له امله ۱۱ کسانو ته مرګژوبله اوښتې ده.
اروزګان ولایت کې امنیتي سرچینې وايي چې د اروزګان په ګیزاب ولسوالۍ کې د ترافیکي پېښې له امله دوه کسان مړه شوي او شپږ نور ټپیان دي.
د دغه ولایت امنیې قوماندانۍ ویاند بلال اروزګاني د مرغومي په ۲۳مه پژواک خبري اژانس ته وویل، نن شاوخوا ۱۱ بجې د ګیزاب ولسوالۍ د ځین په سیمه کې د بایفور موټر د اوښتو له امله دوه کسان مړه شوي او شپږ نور ټپیان دي.
د نوموړي په وینا، د پېښې ځای ته امنیتي منسوبین پر وخت رسېدلي او ټپيان یې د درملنې په موخه د اروزګان ولايتي روغتون ته انتقال کړي دي.
هغه روغتون ته د وروړل شوو ټپیانو روغتیایې حالت ښه بولي.
د یو بل خبر له مخې، د کندوز – امام صاحب ولسوالۍ د لویې لارې په اوږدو کې د يوې ترافيکي پېښې له امله د يوې ښځې په ګډون درې تنو خپل ژوند له لاسه ورکړی دی.
د کندوز امنيې قوماندانۍ وياند جمعهالدين خاکسار پېښه تاييدوي او وايي چې دغه پېښه نن سهار اته بجې د یو ويټز او کاماز موټرو د ټکر له امله شوې ده.
[/restrict]
Views: 24
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن