کابل (پژواک، ۲۷ مرغومی ۱۴۰۲): کابل کې د ترکیې سفیر د افغانستان لوړو زدهکړو له سرپرست وزیر سره په لیدنه کې ویلي چې هېواد یې د افغانستان تحصیلي نظام په بنسټیزو چارو کې همکاري کوي.
د لوړو زدهکړو وزارت ویاند حافظ ضياءالله هاشمي پر خپله اېکسپاڼه لیکلي چې د دغه وزارت سرپرست شیخالحدیث مولوي نداءمحمد ندیم په کابل کې د ترکیې له سفیر جنک اونال سره لیدلي دي.
هغه وایي چې په دې لیدنه کې د لوړو زدهکړو وزارت سرپرست د دواړو هېوادونو ترمنځ د علمي او کلتوري اړیکو پر پاللو ټینګار کړی او دغه راز د دواړو هېوادونو ترمنځ یې پر مذهبي مشترکاتو خبرې کړې دي.
دغه راز د یاد وزات سرپرست د دواړو هېوادونو ترمنځ پر ښو تحصیلي اړیکو او له یو بل سره د علمي او څېړنیزو تجربو پر شریکولو هم ټینګار کړی او د لوړو زدهکړو پرمختګ برخه کې يې ځیني وړاندیزونه د ترکیې له سفیر سره شریک کړي دي.
سرچینې زیاتوي، په یاده لیدنه کې د ترکیې سفیر د افغانستان او ترکیې اکاډمیکو اړیکو پر مخینې خبرې کړې او د افغانستان له تحصیلي نظام سره یې د بنیادي کارونو برخه کې د همکارۍ ډاډ ورکړی دی.
د سرچینې د معلوماتو له مخې، په دې لیدنه کې دواړو اړخونو پر غوره تحصیلي اړیکو او د علمي تجربو پر شریکولو خبرې کړې دي.
Views: 57
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن