پلعلم (پژواک، ۸ سلواغه ۱۴۰۲): د لوګر د پوهنې ریاست وایي، د ملګرو ملتونو د ماشومانو ملاتړ صندوق (UNICEF) له لوري د دغه ولایت په محمداغه او ازره ولسوالیو کې شپږ زره ماشومانو ته ۲۳۸ نوي سیمهییز ټولګي پرانیستل کېږي.
د لوګر د پوهنې ریاست ویاند شاهپور عرب پژواک خبري اژانس ته وویل، دغه سیمهییز ټولګي به په راتلونکي ۱۴۰۳ ښوونیز کال کې پرانیستل شي چې شاوخوا ۶ زره نجونو او هلکانو ته به په کې له لومړي ټولګي څخه تر درېیم ټولګي پورې د زدهکړو زمینه برابره شي.
عرب زیاته کړه، دغه سیمهییز ټولګي به په هغو کلیو کې جوړ شي چې اوسمهال یې نجونې او هلکان د بېلابېلو ستونزو له امله له زدهکړو پاتې دي.
هغه وویل چې د یادو ټولګیو ټولو زدهکوونکو ته به درسي توکي هم وخت په وخت ورکړل شي.
بل لورته د یادو سیمو اوسېدونکي هم د دغو ټولګیو جوړېدو ته خوښ دي.
د محمداغې ولسوالۍ یوه اوسېدونکي حاجي بسمالله پژواک ته وویل، د دې ولسوالۍ په لرو پرتو سیمو کې اوس هم سلګونه ماشومان له زدهکړو بې برخې دي.
خو دی وايي چې د یادو سیمهییزو ټولګیو له پرانیستې سره به تر ډېره دغه ستونزه حل شي.
دغه راز، د ازرې ولسوالۍ یوه اوسېدونکي رحیمالله پژواک ته وویل: «د ازرې ولسوالۍ اوسېدونکي په بشپړه توګه لېوالتیا لري چې خپلې لوڼې او هلکان په نوو ټولګیو کې د لیک لوست لپاره شامل کړي.»
هغه زیاته کړه، په تېرو کلونو کې د ازرې ولسوالۍ د پوهنې برخې ته د پام وړ کار نه دی شوی.
د یادونې ده، په سیمهییزو ټولګیو کې له لومړي ټولګي تر درېیم ټولګي پورې ماشومانو ته زدهکړې ورکول کېږي او وروسته د نورو زدهکړو لپاره ښوونځیو ته جذبېږي.
GET IN TOUCH
NEWSLETTER
SUGGEST A STORY
PAJHWOK MOBILE APP