مزارشریف (پژواک، ۳۰ سلواغه ۱۴۰۲): د بلخ امنیتي مسوولین وایي، ۱۵۰ بوتله یو لېتره شراب يې ترلاسه کړي او په تړاو یې دوه کسان هم نیول شوي دي.
د بلخ د امنیه قوماندانۍ مطبوعاتي دفتر په خبرپاڼه کې راغلي چې د دغه ولایت د امنیې قوماندانۍ د نشهیي توکو پر وړاندې د مبارزې مدیریت پولیسو نن ۱۵۰ بوتله یو لېتره شراب چې له دغه ولایت څخه جوزجان ولایت ته انتقالېدل، ترلاسه کړي دي.
سرچینه وايي، یاد شراب په یوه کرولا موټر کې ځای پر ځای شوي وو چې په تړاو يې دوه کسان هم نیول شوي دي.
دا په داسې حال کې ده چې د سلواغې میاشتې په اتمه نېټه هم بلخ ولایت کې یو ازبکستانی وګړی د سلګونو بوتلو شرابو د قاچاق په تړاو نیول شوی و.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن