فراه ښار (پژواک، ۱۴ وری ۱۴۰۳): د فراه په پشترود ولسوالۍ کې د یوې زړې مرمۍ چاودنې له امله د یوې مدرسې درې زدهکوونکي ټپیان شوي دي.
د فراه د اطلاعاتو او فرهنګ رییس مولوي عبدالحی سباوون پژواک ته وویل چې تېر ماښام د پشترود ولسوالۍ په ګجګین سیمه کې یوه زړه مرمۍ چاودلې ده.
هغه وايي چې په دې پېښه کې د یوې دیني مدرسې درې زدهکوونکي ټپيان شوي دي.
هغه زیاته کړه: «دغو ماشومانو دغه مرمۍ پیدا کړې وه، لوبې یې ورسره کولې چې چاودنه یې پرې کړې ده.»
پشترود ولسوالۍ کې د جماعتالاسرا دیني مدرسې مسوول مولوي احسانالله هم پژواک ته وویل چې تېر ماښام په یوه چاودنه کې د دې مدرسې درې زدهکوونکي ټپيان شوي دي.
خو ده وویل چې د ټپیانو روغتیايي وضعیت د ډاډ وړ دی.
د یادونې ده چې د پخواني حکومت پرمهال په دغه سیمه کې د ملي اردو یوه قرارګاه وه، خو اوس په کې دیني مدرسه جوړه شوې ده.
Views: 27
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن