فراه (پژواک، ۳۰ غبرګولی ۱۴۰۳): د فراه د اطلاعاتو او فرهنګ ریاست وايي، د دغه ولایت په پرچمن ولسوالۍ کې د دوو کورنیو ترمنځ د شخړې له امله درې کسان وژل شوي او دوه نور ټپیان دي.
د فراه ولایت د اطلاعاتو او فرهنګ ریاست په خبرپاڼه کې راغلي چې دغه شخړه تېره ورځ د پرچمن ولسوالۍ په بشنګ کلي رامنځته شوې ده.
سرچېنې لیکلي، د یادې شخړې له امله د یوې مېرمنې او ماشوم په ګډون درې کسان وژل شوي او دوه نور ټپیان شوي دي.
خبرپاڼه کې راغلي چې د پېښې تورن کس تښتېدلی خو د نیولو هڅې یې روانې دي.
خبرپاڼه کې د پېښې د لامل په اړه څه نه دي ویل شوي.
GET IN TOUCH
NEWSLETTER
SUGGEST A STORY
PAJHWOK MOBILE APP