کابل (پژواک، ۱۴ چنګاښ ۱۴۰۳): د شانګهای همکارۍ سازمان غړو هېوادونو په دغه سازمان کې د بلاروس غړیتوب سند لاسلیک کړ.
د راپورونو له مخې، دغه پرېکړه چې نن د قزاقستان پلازمېنې استانې ښار کې د دغه سازمان سرمشریزې ناسته کې وشوه او اوس بلاروس د دغه سازمان لسم غړی شو.
اوس چین، ایران، قرغیزستان، پاکستان، روسیه، تاجکستان، هند، قزاقستان، ازبکستان او بلاروس د شانګهای همکارۍ سازمان غړي دي.
د یادونې ده، افغانستان او مغولستان ناظر، اذربایجان، ارمنستان، کامبوج، نیپال، امارات، ترکیه او سریلانکا هېوادونه د شانګهای همکارۍ سازمان شریکان دي.
افغانستان له ۲۰۱۲ کال راهیسې د شانګهای همکارۍ سازمان ناطر دی، خو د اسلامي امارت له بیا واکمنېدو وروسته د دغه سازمان په ناستو کې د افغانستان په استازولۍ هيچا ګډون نه دی کړی.
د شانګهای همکارۍ سازمان د مشرانو ناسته د څو اړخیزو خبرو د ټينګښت، د سولې او هوساینې په نوم پرون (چهارشنبه) د دوو ورځو لپاره د قزاقستان په پلازمېنه استانه کې پیل شوه.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن