مزارشریف (پژواک، ۲۸ چنګاښ ۱۴۰۴): د بلخ ولایت د مرکز مزارشریف ښار څلورمې ناحیې اړوند سیمه کې د ۲۲ میلیون افغانیو په لګښت د یوه سړک کانکرېټ کولو چارې بشپړې شوې او ګټې اخیستنې ته وسپارل شو.
د مزارشریف ښاروال محمدکاظم طارق وایي چې دغه سړک د مزارشریف ښاروالۍ له پراختیایي بودجې څخه د ۲۲ میلیون افغانیو په لګښت جوړ شوی دی.
هغه زیاتوي، دغه سړک ۱۴۰۰ متره اوږدوالی او اووه متره پلنوالی لري او د څلورو میاشتو په موده کې کانکړیت شوی چې نن ګټې اخیستنې ته وسپارل شو.
بلخوا، د سیمې خلک د یاد سړک جوړېدو ته خوښ دي.
د سیمې یوه اوسېدونکي عبدالطیف پژواک خبري اژانس ته وویل، خوښ دی چې دغه سړک له ډېرې مودې وروسته جوړ او ګټې اخیستنې ته چمتو شو خو زیاتوي چې په دغه سیمه کې باید یو شمېر نور سړکونه هم پاخه شي.
د دغه سړک جوړېدو چارې په داسې حال کې پای ته رسېږي چې څو ورځې مخکې هم د مزارشریف ښار لومړۍ ناحیه کې د یوه بل سړک جوړېدو چارې پیل شوې.
Views: 7
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن