کابل (پژواک، ۱۷ وږی ۱۴۰۳): د افغانستان او ترکمنستان ترمنځ د ټاپي، نوري فايبر، ټاپ او وسپنې پټلۍ د پروژو د پرانيستې کميسيون د چمتووالي لومړۍ ناسته وکړه او تمه ده په راتلونکو ورځو کې یادې پروژې پرانیستل شي.
د افغانستان د بهرنیو چارو وزارت په اعلامیه کې راغلي، د رياست الوزرا مقام له حکم سره سم، د بهرنيو چارو وزير په مشرۍ د امنیتي ارګانونو، کانونو او پټروليم، ټولګټو چارو، اطلاعاتو او فرهنگ، مخابراتواو معلوماتي تکنالوژۍ وزارتونو او د امارت مرکزي وياند او د افغانستان برېښنا شرکت په ګډون نن د بهرنيو چارو وزارت کې ترکمنستان سره د ټاپي او ګڼو نورو پروژو د پرانيستې مراسمو لپاره د چمتووالي ناسته وکړه.
سرچېنې لیکلي، په دې ناسته کې د یاد کميسيون مشر او ګډونوالو ارګانونو مسؤولينو د فرعي کمېټو د چمتووالي مفصل راپور واورېده او د مراسمو د ښه ترسره کولو لپاره يې لازمې پرېکړې وکړې.
بهرنیو چارو وزارت لیکلي، تمه ده چې په راتلونکو ورځو کې يادې پروژې د يو لړ شاندارو مراسمو په ترڅ کې پرانيستل شي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن