میدانښارـ غزني (پژواک، ۵ تله ۱۴۰۳): په میدانوردګو او غزني ولایتونو کې د دوو ترافیکي پېښو له امله درې کسان مړه او شپږ نور ټپيان شوي دي.
د میدانوردګو امنیې قوماندانۍ ویاند محمدیوسف اسرار پژواک خبري اژانس ته وویل چې تېره ورځ ناوخته د سیداباد ولسوالۍ په شيخاباد بازار کې سراچې او فيلډر موټرو ټکر کړی دی.
هغه زیاته کړه چې په دې پېښه کې یوه ښځه مړه شوې او پنځه نور کسان ټپیان دي.
نوموړی وايي چې ټپیان د امنیتي ځواکونو له لوري نږدې روغتیايي مرکز ته انتقال شوي دي او وضعیت یې د ډاډ وړ دی.
د یو بل خبر له مخې، غزني کې هم د ترافیکي پېښې له امله مرګژوبله اوښتې ده.
د غزني امنیې قوماندانۍ ویاند ابوخالد سرحدي پژواک ته وویل چې نن د اندړو ولسوالۍ په چهاردیوال سیمه کې یوه موټرسایکل له فيلډر موټر سره ټکر کړی دی.
هغه زیاته کړه چې په دې پېښه کې یو ماشوم او یو سړی مړه شوي او یو کس ټپي دی.
د نوموړي په خبره، پېښه د چلوونکو د بېاحتیاطۍ له امله شوې ده.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن