اسعداباد (پژواک، ۲۴ تله ۱۴۰۳): د کونړ ځايي مسوولین وايي، د دغه ولایت د نرنګ ولسوالۍ په قلاونو سیمه کې د یوه کور د خونې چت لوېدو پېښه کې دوه ماشومان مړه او دوه نور ټپیان شوي دي.
د کونړ پېښو ته د رسېدو او چمتووالي ادارې رییس قاري ثابتالله پژواک خبري اژانس ته وویل، نن سهار شاوخوا نهه بجې د نرنګ ولسوالي اړوند د باډیل درې په قلاونو سیمه کې د یوه کور د خونې چت راغورځېدلی دی.
هغه وویل: «نن سهار نهه بجې د نرنګ ولسوالۍ په قلاونو سیمه کې د یوه کور د خوني چت غورځېدو پېښه کې د یوې کورنۍ دوه ماشومان مړه او دوه نور ټپیان شوي دي.»
هغه د پېښې علت په ډاګه نه کړ خو زیاتوي چې د ټپيانو روغتیایي وضعیت د ډاډ وړ ښودل شوی او له زیانمنې شوې کورنۍ سره یې یوه اندازه مرسته هم کړې ده.
د یادونې ده، دغه ډول پېښې ډېر کله د ورښتونو او زلزلو پر مهال کېږي.
GET IN TOUCH
NEWSLETTER
SUGGEST A STORY
PAJHWOK MOBILE APP