هرات کې پنځه کسان د غلا په تور نیول شوي

<p style="text-align: justify;">هرات (پژواک، ٦ لړم ١٤٠٣): د هرات امنیتي سرچینې وایي چې امنیتي ځواکونو د دغه ښار د لسمې حوزې مربوطاتو کې د حرفوي غلو یوه پنځه کسیزه ډله نیولې ده.</p>

<p style="text-align: justify;">د هرات د امنیې قوماندانۍ ویاند غلام‌نبي نبي‌زاده وایي چې د دې قوماندانۍ د لسمې امنیتي حوزې ځواکونو نن په یو لړ عملیاتو کې پنځه کسان چې د حرفوي غلو د ډلې غړي دي، د دغې حوزې په مربوطاتو کې نیولي دي.</p>

<p style="text-align: justify;">نوموړي زیاته کړه چې نیول شوو کسانو دغه ولایت کې له خلکو ټیلیفونونه او نقلیه وسایط غلا کول.</p>

<p style="text-align: justify;">د هغه په خبره، له دغو کسانو درې موټرسایکلونه او نور غلا شوي وسایل هم لاسته راغلي او اوس د امنیتي ځواکونو تر نظارت لاندې دي.</p>

<p style="text-align: justify;">د یادونې ده، ترلاسه شوي موټرسایکلونه د قانوني اسنادو له مخې، خپلو مالکینو ته سپارل شوي دي.</p>