کابل (پژواک، د سلواغې لومړۍ ۱۴۰۳): افغانستان لپاره د ناروې کمېټې عمومي رییس د اقتصاد وزارت له سرپرست سره په لیدنه کې ویلي، هڅه کوي د معلولینو ستونزو ته د رسېدنې په موخه خپل فعالیتونه پراخ کړي.
د اقتصاد وزارت پر فیسبوکپاڼه لیکل شوي چې د دغه وزارت سرپرست قاري دینمحمد حنیف افغانستان لپاره د ناروې کمېټې له عمومي رییس تاریا مګنوسون واټردال او مل پلاوي سره کتلي او د ناروې کمېټې پر فعالیتونو او د معلولینو او معیوبینو ستونزو ته د رسېدنې په اړه یې خبرې کړې او دغه راز په کاپیسا، خوست او پکتیا ولایتونو کې یې د دې کمېټې د فعالیتونو د پراختیا ستاینه کړې ده.
سرچینې زیاته کړې، افغانستان لپاره د ناروې کمېټې رییس د اقتصاد وزارت سرپرست ته د هر اړخیزې همکارۍ ډاډ ورکړی او په خبره یې چې هڅه کوي په نورو ولایتونو کې هم د معلولو کسانو ستونزو ته د رسېدنې په موخه خپل فعالیتونه پراخ کړي.
GET IN TOUCH
NEWSLETTER
SUGGEST A STORY
PAJHWOK MOBILE APP