کابل (پژواک، ۱۸ وری ۱۴۰۴): د افغانستان د فوټبال له ۱۷ کلونو کمعمره ملي لوبډله د اسیا جام سیالیو کې خپله دویمه لوبه د سوېلي کوریا د فوټبال له ملي لوبډلې سره ترسره کوي.
د افغانستان د فوټبال له ۱۷ کلونو کمعمره ملي لوبډله نن شپه ۹:۳۰ له سوېلي کوریا سره لوبه کوي.
د افغانستان لوبډله د یادو سیالیو په درېیم ګروپ کې له سوېلې کوریا، یمن او اندونیزیا سره لوبیږي.
د افغانستان لوبډله د یمن پر وړاندې له ماتې وروسته نړۍوال جام ته د رسېدو لپاره اړ دی چې په راتلونکو خپلو دوو لوبو کې بریالی شي.
د یادولو ده چې د فوټبال له ۱۷ کلونو کمعمره د اسیا ملتونو جام سیالۍ د وري په ۱۴مه پیل شوې او د همدې میاشتې تر ۳۱مې به په سعودي عربستان کې دوام ولري.
د افغانستان وروستۍ لوبه به په یادو سیالیو کې له اندونیزیا سره وي.
GET IN TOUCH
NEWSLETTER
SUGGEST A STORY
PAJHWOK MOBILE APP