کابل (پژواک، ۱۶ چنګاښ ۱۴۰۴): د کورنیو چارو وزارت وایي، د دغه وزارت ټول نظامي مسوولین او منسوبين مکلف دي چې د دندې پر مهال يونیفورم ولري.
د دغه وزارت په اعلامیه کې راغلي، له هغه ځایه چې د کورنیو چارو وزارت اساسي دندې د امنیت نیول، د قانون ټینګښت او له جرمونو سره مبارزه ده، نو پر دې اساس د کورنیو چارو وزارت د رهبرۍ جلسې د پرېکړې او د دغه وزارت د سرپرست خلیفه سراجالدین حقاني د منظورۍ پر اساس ټول نظامي مسوولین او منسوبین مکلف دي چې د دندې د اجرا پر مهال د اسلامي امارت د مشرتابه له لوري له منظور شوي یونیفورمه ګټه واخلي.
یاد وزارت لیکلي چې دغه کار به د پولیسو په پېژندګلوۍ کې د خلکو لپاره اسانتیا رامنځته کړي.
دا په داسې حال کې ده چې دا مهال تر ډېره پولیس یونیفورم کاروي، خو ځیني یې د دندې پر مهال شخصی جامې اغوندي.
GET IN TOUCH
NEWSLETTER
SUGGEST A STORY
PAJHWOK MOBILE APP