اېبک (پژواک، ۲۸ چنګاښ ۱۴۰۴): سمنګان کې ورزشي مسوولین وايي چې د دغه ولایت د مرکز او حضرتسلطان ولسوالۍ د ۵۰ ورزشکارانو ترمنځ د کونګفو غوراوي سیالۍ ترسره شوې.
د سمنګان د بدني روزنې او ورزش امریت مربی تاجمحمد خداداد وویل چې د کونګفو په دغه پړاو سیالیو کې د دغه ولایت د مرکز ایبک او حضرتسلطان ولسوالۍ څځه ۵۰ ورزشکارانو له یو بل سره مبارزه ترسره کړه.
هغه زیاته کړه، د یادو سیالو په پای کې د «قهرمانان» کلپ ورزشکاران بریالي شول چې د اتلولۍ مقام خپل کړي او دغهراز د «ستاره رزم» او «حضرت سلطان» کلپونو ورزشکاران وتوانېدل چې په ترتیب سره دویم او درېیم مقامونه تر لاسه کړي.
هغه د یادو سیالو د ترسره کولو موخه د کانګفوز وده او له نشهیي توکو څخه د ځوانانو لرې ساتل وبلل.
بلخوا، د یادو سیالیو ګډونکوونکو د دا ډول سیالو ترسره کول یو هیله بښوونکی ګام وباله او له ورزشي مسوولینو یې وغوښتل څو د بېلابېلو ورزشي څانګو ورزشکارانو لپاره لا ډېرې او غوره زمینې برابره کړي.
GET IN TOUCH
NEWSLETTER
SUGGEST A STORY
PAJHWOK MOBILE APP