<p style="text-align: justify;">غزنيښار (پژواک، ۴ وږی ۱۴۰۴): د غزني د بدني روزنې او ورزش مسوولین وایي چې د دغه ولایت په مرکز کې د ۴۲ لوبغاړو ترمنځ د سنوکر لس ورځنۍ دوستانه سیالۍ پای ته ورسېدې.</p>
<p style="text-align: justify;">د بدني روزنې او ورزش مسوول بلال مجاهد پژواک خبري اژانس ته وویل، دغه سیالۍ د اړوند فدراسیون په همکارۍ او د بدني روزنې او ورزش امریت په همغږۍ ترسره شوې چې پهکې د غزني له بېلابېلو کلبونو ۴۲ لوبغاړو ګډون کړی و.</p>
<p style="text-align: justify;">هغه زیاته کړه، په پای کې رحمتالله لومړی، احسانالله دویم، عبدالله درېیم او قدوس څلورم مقامونه خپل کړل.</p>
<p style="text-align: justify;">د نوموړي په خبره، دغه سیالۍ د ځوانانو هڅولو او سنوکر لوبې ته د ودې ورکولو په موخه جوړې شوې وې.</p>
<p style="text-align: justify;">بل لور ته، د سنوکر لوبې لوبغاړي په دغه ولایت کې د اسانتیاوو غوښتنه کوي.</p>
<p style="text-align: justify;">د یادې لوبې یوه لوبغاړي پیرمحمد پژواک ته وویل: «د دې سیالۍ مینهوال ډېر دي، اړینه ده چې د لوبو لپاره ورته امکانات برابر شي او هم د هېواد په کچه د ګډون زمینه ورته برابره شي، څو وتوانېږي لوبي وکړي.»</p>
<p style="text-align: justify;">د یادونې ده، د دغو سیالیو د پای مراسمو کې غوره لوبغاړو ته ستاینلیکونه او ډالۍ هم ورکړل شول.</p>
