کابل (پژواک، ۲۲ وږی ۱۴۰۵): د افغانستان د کرکټ ملي لوبډله د درېیو شلاوریزو نړۍوالو لوبو په لړ کې نن له هند سره خپله لومړۍ لوبه ترسره کوي.
د افغانستان کرکټ بورډ د معلوماتو له مخې، دغه لوبه د افغانستان پر وخت ماښام شپږنیمې بجې ترسره کېږي.
یاده لوبه د هند د پلازمېنې نوې ډيلي په ارون جېټلي کرکټ لوبغالي کې ترسره کېږي.
کرکټ بورډ ویلي چې افغان لوبډلې له هند سره د لوبې لپاره پرون خپل وروستي تمرینات ترسره کړي دي.
د یادونې ده، د دې لوبړلۍ دویمه لوبه د سپټمبر په ۱۵مه او درېیمه به یې د همدې میاشتې په ۱۷مه ترسره شي.
