اسعداباد (پژواک ٥ تله ٩٣): په کونړ ولايت کې د ماين يوې چاودنې د ملي امنيت يو کارکوونکى وژلى دى.
د دغه ولايت امنيه قوماندان مل پاسوال عبدالحبيب سيدخېل د تلې په ٥مه پژواک خبري اژانس ته وويل چې دا چاودنه پرون د وټه پور ولسوالۍ د قمچۍ په کلي کې رامنځته شوې ده.
هغه زياته کړه چې د ملي امنيت ياد کارکوونکى له خپل کوره جومات ته په لاره و چې د ريموټ کنټرول ماين چاودنه پرې شوې ده.
دى وايي چې په چاودنه کې د محمدغني په نوم د ملي امنيت دغه کارمند وژل شوى او يو زوى يې ټپي شوى دى.
وسله والو طالبانو د دې چاودنې او د ملي امنيت د کارکوونکي د وژلو مسووليت پر غاړه اخيستى دى.
