کابل(پژواک ١١غويى ٩٤) : په کابل کې سلګونو کارګرانو د يوه لاريون په ترڅ کې له حکومتي چارواکو وغوښتل چې له ژمنو سره سم دې دوى ته د کار زمينه برابره کړي.
ياد شوى لاريون نن سهار په کابل کې د کارګرانو د ملي ټولنې له خوا له زړو مکروريانو څخه تر پل محمود خان سيمې پورې تر سره شو .
د کارګرانو د ملي ټولنې مشر محمد معروف قادري وويل چې د ملي يوالي حکومت مشران بايد له خپلو ژمنو سره سم کار ګرانو ته د کار زمينه برابره کړي.
ده وويل چې حکومت بايد د کار قانون په بشپړه توګه عملي کړي، د دولتي مامورينو تنخواوې لوړې کړي او کار ګرانو ته د ژوند نورې اسانتياوې برابر کړي.
يادو لاريون کوونکو د "کار غواړو"، "ډوډۍ غواړو" شعارونه هم ورکول.
يو تن لاريون کوونکي احمدشاه پژواک خبري اژانس ته وويل چې په تېرو څو کلونو کې او د ملي يوالي حکومت د کار ګرانو ژوند ته اړينه پاملرنه نه ده کړې .
هغه زياته کړه : ((کارګرانو ته يوه ورځ کار وي يوه ورځ نه وي، ډيرى کارګران نه شي کولى درې وخته په مړه ګېډه ډوډۍ وخوري.))
يو بل لاريون کوونکى حبيب الله وايي : ((بيخي کار ورک دى موږ حيران پاتې يو چې څه وکړو ته باور وکړه چې ماښام شي زموږ زياتره کارګران د سوال لپاره لاس نيسي.))
ده هم پر حکومت غږ وکړ چې له ژمنې سره سم کارګرانو ته د کار زمينه برابره کړي.
د يادونې ده چې لسګونه کاله وړاندې د امريکا په شيکاګو ايالات کې يو شمېرکارګرانو د خپلو حقونود ترلاسه کولو لپاره اعتراض وکړ، خو د پوليسو له خوا سخت ووهل شول چې دغه ورځ د مې مياشتې له لومړۍ نېټې سره برابره وه او تر هغه وروسته هر کال د مې لومړۍ نېټه د کارګرانو د نړيوالې ورځې په توګه نمانځل کيږي.
login or register a new account.
اړیکه ونیسئ
خبرپاڼه
د کیسې وړاندیز وکړئ
د پژواک اپلیکېشن